Ang Noche Buena ni Utoy

Bago ang lahat, ipinaaalam ko sa mga ka-blog ko na bago matapos ang Enero, 2009 ay magkakaroon ako ng streamlining sa blogroll ko.   Yung mga nagpa-add then nag-comment twice or trice tapos eh di ko na muling nakitang dumaan pa since Marcos regime ay ipagpapalagay kong namatay na sa sakit na dengue so tatanggalin ko na sila sa blogroll ko.  At syempre, ipagdarasal ko rin ang ikapapayapa ng kaluluwa ng mga bloggers na ito sa kabilang buhay at ipaaabot ko rin sa kanilang kaanak ang taos-puso kong pakikiramay.

Moving on… 

Naluto ko na ang aking postre para sa Christmas dinner namin ng mga pari.   Flan au Caramel  (letseplan lang yan, hija)  at Rocher à la Noix de Coco (macaroons yan, wag ka sabing mataranta).   Nahirapan ako sa letseplan dahil walang steamer dito.  Ang kaldero namin eh parang saingan lang ng kanin.  So nag-Banyo Maria ako (it’s not what you think, bebe), ayon na rin sa suggestion ni RatedXTin, gamit ang oven.   Isa pang problema eh never-heard ang lyanera sa bahaging ito ng daigdig so gumamit ako ng ramekin dish dahil alam kong di puputok yun kapag nainitan sa oven.  Successful naman ang letseplan.  Thanks sa tip, Tin! Heto ang picture ng aking pa-taste test.

Mukhang natakam ang mga pari sa pa-taste test ko kaya kaninang umaga, nagtaka ako’t nabawasan ang ramekin dish sa ref.  Umamin naman agad ang paring italyano na “nacurious” daw sya kaya tinikman nya ulit.  Kakaiba syang tumikim dahil nakadalawang letseplan sya.  Hmmm….

Bakit ko naman naisipang magluto ng macaroons?  Simple lang.  Una, sayang ang eggwhites na di ginamit sa letseplan.  Pangalawa, simple lang gawin ang macaroons.  15 minutes of preparation, 10 minutes of baking tapos palalamigin lang, ready to eat na.   Heto itsura nya sa loob ng oven:

 

Andito na rin lang naman tayo eh ipagyayabang ko sa inyo ang aking Christmas menu.  Mapapansin ninyo sa baba na mukhang mahaba ang listahan pero true to french cooking, mga katiting na servings lang yan sa plato, so hindi gaanong nakakabondat.  At punyemas, ako lahat ang maghahanda nyan.  Plating pa lang, nakakaubos na ng oras.  Ako rin ang waiter namin during the meal.    Ang masaklap pa, dahil course meal ito eh andaming naming hugasing plato’t kubyertos pagkatapos.   Nauunawaan ko na ngayon ang hinagpis ng mga nanay tuwing pasko.ü

Sa sunod kong post siguro eh ituturo ko sa santinakpan ang mga maeklat na aspects ng isang authentic french meal.

Hanggang dito na lamang at Merry Christmas sa lahat!  Pagpalain po kayo ng Panginoon sa taong ito!

 

Menu ni Brother Utoy para sa Noche Buena

Aperitif

• Salted Peanuts
• Bread Sticks
• Wine:  choice of  Clos des Cantons (Rosé de Granoir, vintage 2000) and Guignolet Kirsch (cherry-flavored)

Entrée:

• Foie gras de canard and black olives on Ritz
• Sugpo (blanched at binalatan na) with home-made mayonnaise (may mustard siyempre)
• Wine: Côtes de Bergerac (white wine, vintage 2007)

Salade

• Batavia greens, green olives (walang buto), cherry tomatoes, sliced hard-boiled eggs and bits of smoked salmon para sosyal
•  Dressing:  pinaghalu-halong olive oil (extra-virgin), balsamic vinegar at konting Dijon mustard
• Bread basket

Plat Principal

• Baked chicken breasts on bacon, onion, mushroom and cream sauce
• Nilagang patatas
• Haricot verts
• Bread basket
• Wine: Saint-Chinian (red wine, vintage 2007)

Fromage (keso)

• Fromage fraise nature (Caprice des Anges)
• Rebluchon
• St. Felicien
• Roquefort
• Bread basket
• Wine:  Jean-Claude Pèpin (red wine, vintage 2008)

Dessert:

• Macaroons
• Leche Flan
• Walnut and dates on almond marzipan

Digestif:

• Kape:  Ang italyanong pari ang bahala dito.  Meron syang kakaibang lutuan ng kape, low tech pero ansarap ng kape.
• Choice of hard liquor:  Nonino (Grappa), Oranchello, Eau de Vie or Absolut vodka

As for our Stain Glass Window of the Day, try as I might, pero wala akong makitang picture ko ng nativity.  Nakakahiya kasi common theme sa stainglass ang nativity.  Yung Three Kings naman, naipost ko na.  Dahil tinatamad akong lumabas papuntang parish to take a picture of a contingency stainglass, eto na lang ang handog ko.

Ito ay kuha ko sa Sanctuaire de Notre Dame de Taur, sa sentro mismo ng Toulouse.  Kadilim ng simbahan na ito, ang hirap ispelengin kung paano ko kukunan ang bintanang ito.  Ang bintana ay naglalarawan ng Nativity.  Yup, Nativity yan.  Andyan si Mama Mary kasama si Baby Jesus.  Nasaan kamo si Joseph?   Umalis siya kasi nandyan din sa picture ang mother-in-law niyang si St. Anne.  Hayan, tingnan mo’t nagba-browse pa siya ng wedding album nina Mary and Joseph.

Ooops….. muntik na akong tamaan ng kidlat.

Have a blessed Christmas, every one!