Mga Datkomistas, na-BITAG!!!

Ang mala-Tulfong taytol ko ay dahil nakatanggap ako ng Award Tag galing kay Panaderos (na may bagong Avatar na ngayon).  Ayon sa kanya: 

Written mostly in the vernacular, [Bro.Utoy’s Blog] is a very funny, informative, sometimes irreverent but often witty blog authored by a very intelligent and funny Filipino seminarian based in France.

Dahil nga nakapagbackflip ako sa tuwa’t dalawang beses niya akong tinawag na funny, sinikap kong magcomment sa blog ni Panaderos tungkol dito, pero dahil inglisan ang laban eh hayun at sablay-sablay ang grammar.  Kung gusto nyong pagtawanan ang aking balibalikong pagbabalarila sa ingles, hanapin nyo lang sa blog ni Panaderos, mga damuho kayo.  Pero seriously, sobrang ikinatuwa ko ito’t sa listahan ni Panaderos eh sekon oner ako!  Woohoo!  Salamat, salamat, Panaderos!  Pinapatawad kita kung di mo naisama ang mga katagang na gwapo, magandang lalake, at God’s gift to women upang ilarawan ako.  Di mo pa naman kasi ako sa personal o kahit sa pityurs lang so nauunawaan ko.

At dahil nga pala isa rin itong tag eh siyempre, may kaakibat itong mabibigat na utos:

“When accepting this auspicious award, you must write a post bragging about it, including the name of the misguided soul who thinks you deserve such acclaim, and link back to said person so everyone knows he or she is real.

Choose a minimum of 7 blogs that you find brilliant in content or design. Or improvise by including bloggers who have no idea who you are because you don’t have 7 friends. Show the 7 random victims’ names and links and leave a harassing comment informing them that they were prized with “Honest Weblog.” Well, there’s no prize, but they can keep the nifty icon. Then list ten things about you. Then, pass it on!”

Madali lang diba?  At dahil malakas sa akin si Panaderos eh eto na nga’t ginagawa na.   Pero yung ten things about me eh basahin nyo na lang ulit itong post na ito dahil kapag nagpost na naman ako ng another ten things about me, aba eh baka wala na akong mai-blog.  Sayang yun, sampung egoistic topic din yun.

Ang “Honest Scrap” award ay ibibigay ko sa mga Datkomista, sa mga nagmamay-ari ng mga dotcoms na talaga namang aking laging inaasam na basahin  although truth be told,  medyo madalas di dalawin.  Bakit kanyo?  kasi kapag datkom na ang binisita ko, nakow, maghahang na ang computer ko.   Walang paltos yan.  Minsan naman eh di talaga naghang, konting tyaga lang sa paghihintay.  Kaya kung minsan kapag nagbukas na ako ng website halimbawa ni Bluep eh pwede muna akong mag-shine ng sapatos, magbunot ng uban, mag-Sudoku, magkwenta ng pwedeng itaya sa hweteng, magpractice ng telekinesis, etc.  Come to think of it, salamat na rin sa mga datkomista dahil nagkakapanahon akong gawin ang ibang bagay habang nag-blog maghapo’t magdamag.  Thanks you, dotcom owners!

Mataas ang pagtingin ko sa mga datkomista.  Kapag pinag-usapan na nila ang mga katagang HTML, domain, encrypted files, hosting, etc. eh natatameme na lamang ako.  Kasi naman, mag-upload nga lang ng kanta at Youtube blog, mukhang kinakailangan ko pang mag-enroll siguro sa STI o AMA  para lang matutunan (siops, kelan mo ako tuturuan?).   Ang mga aawardan kong Datkomista ay walang halong yabang, walang halong paghahari-harian, kahit na sa hinala ko eh inabuso nila ang pag-inom ng  Promil noong bata pa sila kaya ganun sila kaastig sa blogging.

Pangalawa… hanga ako sa output nila.  Biruin mo, may mga datkomista na dala-dalawa, tatlo-tatlo (meron pa ngang lima-lima!) blogs ang pinatatakbo tapos araw-araw eh nasusulatan nila ng bago at matinong posts ang bawat isa dito?   Kahit yata suminghot ako ng apatnapu’t tatlong bukas na pentelpen at magnobena araw-araw kila Sta. Thecla at Sta. Courdafia eh hindi ko makakayanang tapatan ang quality, frequency, quantity, consistency at pornography relevance ng mga sulat nila.

Pangatlo… akala ko nun eh di ako papansinin ang mga datkomista.  Mga bigatin na sila, mga beterano sa gyera, may perang pambayad sa domain, samantalang ako’y isang gorgeous na newbie lamang na may libreng wordpress blog.  Pero nagulat ako dahil namamansin sila!  At napakamatulungin nila sa maliliit na blogs na tulad ng sa akin.  In fact, halos kalahati ng traffic sa blog ko eh galing sa mga endorsement ng mga datkomista.

Pang-apat… wala talagang pang-apat.  Gusto ko lang sabihin na sina Kengkay at Utakmunggo ay mga datkomista na rin.  Odiba, ang mga paburito nating Yurup beauties ay may sarili nang mga domain names!  Congrats, Kengks and UM!

Panlima… sige, gumawa ka ng panlima.  Bilisan mo ha.  Basta heto na ang listahan ng mga paborito kong datkomista:

1. Bluepanjeet – Need I say more?  Aba eh mistulang book of praises na ang aking blog para sa Demigod of religious blogging natin na ito.  Kung wala si Bluep eh wala tiyak Utoy at Siopao sa blogosperyo… and for that, the world will be a better place.  Pero alam ba na meron si Bluep na limang blog?  Yup, lima, singko, cinq, five-ah.  Ganyan sya ka-adik  katindi sa blogging.

2. Chuvaness – Heto, ang resident funny girl sa mga datkomista.  Basta nosebleed at ingrish eh si Malen na tiyak yan.  Hindi naman humor ang genre nya pero tawa pa rin ako ng tawa.

3. Honey–  Hanga ako sa babaeng ito:  saksakan ng dami ng talent!  Pagluluto, beading, jewelry making, mold-baking, dancing, teaching, blogging, etc. at examples pa lang yan, alam nyo ba?  Kaya tuloy akala ko noong una eh late 40s na sya, kasi she’s beyond her age.  What’s more, she’s a woman of strong faith and conviction.

4. FatherlYours– natagpuan ko ang blog ni Tatay Ramon nung nagba-bloghop ako at nakita ko ang article niya tungkol sa isang magandang experience niya sa parokya namin.  Syempre, kahit di ko pa sya kilala eh feeling close agad ako.  Nagulat na lang ako nang malaman ko na ang datkomista na ito ay may angking kakengkoyan.  Ilang buwan ko ring pinag-isipan ang sagot sa mga katanungan nyang “ang lason ba kapag expired na eh makamamatay pa rin?” at “ang uod ba kapag namatay eh inuuod din?”  Pero natouched talaga ako sa gesture nya na tulungan din si Jhaynee sa project nya.

5. Reyna Elena– Matagal ko nang nakikita sa blog ni Bluep si Reynz at nakikibasa pero di ako nagko-comment kasi takot ako na baka isnabin lang nya ang comment ko.  Pero one time eh di ko na napigilan.  Aba eh sumagot!  At dun ko nalaman na ang istetsayd nating blogger ay mataray lang sa blog pero sa mga bloggers eh mabait pala.  At di lang yan, french-speaking din sya!  Ouh-lalala!

6. Chocolateword – Isa sa mga hinahangaan ko si Mahalia pagdating sa mga serious writing.  Ingglisan ito, mga kapatid!  Laid back ang style, disente at wholesome, kahit yung mga Ka Pepe nyang post eh mahahalata mong pinag-isipan talaga at meron pa talagang moral lesson sa ending. 

7. Dearbloggery– Ang totoo nyan eh akala ko, si Snow at si Mahalia ay iisa.  Pero habang tumatagal eh nako-confuse ako. Anyway…  Di ko alam kung anong nakikita ni Snow sa akin pero twice nya akong inilagay sa kanyang Bloggery Buzz of the Week.  Eh ni wala pa nga sya sa blogroll ko nung mga panahong yun.  Ewan ko, basta ako, sobrang na-flatter sa gesture nyang yun.

8. Romancing Helena   – Bagamat datkomista si Dok Heleyna eh parang wala syang Ka Pepe.  Either mayaman talaga sya o willing lang talaga siyang pagkagastusan ang blog nya.  I’m surprised with the honesty and sincerity of this girl, pagdating sa blogging.  Kahit sa blogging ko lang sya natagpuan eh parang kilalang kilala ko na sya.  Sabi ko nga sa kanya, siguro sa past life eh magsyota kami or magkapatid o maglola.  Sobrang at home ako sa kanya.

9.  Blissful Bobby Soxer–  si Joycee na ang coolest preacher’s daughter na kilala ko.  She can balance her faith and her own sense of fun on her blog.  Hinangaan ko ng husto si Joycee nung nag-guest blogger sya sa bahay ni Neto.  Napahanga nya ako sa tibay ng loob nya at ng conviction nya in overcoming obstacles.

10. Nortehanon –  Although among the datkomista sa listahan ko eh siya ang pinaka-newbie, di papatalo si Nortehanon sa kanyang blog.  Bukod sa mga kahanga-hanga niyang mga pictures at reflections tungkol dito, may advocacy si Nortehanon on education na talaga namang commendable.

There you have it:  mga datkomistang hinahangaan ko at binibigyan ko ng Honest Scrap award.  Sa inyong sampu, mabuhay kayo at pagpalain nawa lagi kayo ng Diyos! 

* * * * *

I added a widget pala.  Tingin ka sa kaliwa at makikita mo ang countdown sa blog anniversary ko.ü  Malapit na akong mag-one year!

* * * * *

At ang stainglass window of the day natin ay ito:

Ang dalawang stainglass windows na ito ay napicture-an ko sa may maliit na chapel sa loob ng mismong bahay ng magulang ni San Francisco de Asis, sa napakagandang bayan ng Assisi, Italy.  Truth be told, di ko alam kung anong idine-depict ng dalawang larawan.  Yung una eh siguro tungkol sa buhay ni San Kiko, samantalang ang pangalawang bintana eh tungkol siguro sa childhood ni San Kiko.  Hindi kasi pwedeng Holy Family yun kasi yung tatay eh inilalarawan na nagsusulat ng libro, gayung ang pagkakaalam ko eh wala namang libro sa Bibliya ang attributed kay St. Joseph.   Ni hindi nga sya nagsalita sa bible, ni once.  Anyway…

God bless!