“uuhhhmmm… what’s your sign ba?”

Isa sa mga katangian ko bilang isang Capricorn eh wala akong kabilib-bilib sa mga horoscope-horoscope na yan.  Gayunpaman, merong kakaibang appeal para sa akin ang latin names ng zodiac signs sa horoscope.  Exotic na exotic kasi ang dating.   Pero, buti na lang kamo at walang tagalized version ang zodiac signs.  Kung nagkataon eh nakakatawa siguro:  Halimbawa eh ang Sagittarrius (in tagalog, Namamana na Mama), o kaya eh Aquarius (in tagalog, Taga-igib sa Poso).  Instant jologs, diba?

Here’s another example, kunyari sa isang conversation sa isang blind date, gamit ang Tagalized Zodiac Signs.

Girl:  Uhhhmmm… What’s your zodiac sign na nga?  Siguro Lalaking Baka (Taurus) ka, kasi you’re so mabilis ha.  hihihi…

Boy:  Hindi, Kambing sa Kabundukan (Capricon) ang sign ko.  Ikaw, hulaan ko ang sign mo.  You must be a Kilohan (Libra).   Kasi I really want to know how much I weigh in your heart.   hehe…  O kaya, you’re a Kambal (Gemini) kasi you’ve got such a huge pair of… uhhhmmm… dimples.  hehe…

Girl:  Hihihi… You’re so funny talaga!  Akshelly, Birhen (Virgo) ako before.  Pero since I got drunk together with this basketball team last year,  I changed sign na.  Tilapya (Pisces) na ako ngayon.  hihihi…

Boy:   Anak ng Tupa (Aries), ganun?!!!

* * * * *

Pero sa lahat ng signs, parang ang pinakawawa sa opinyon ko eh ang Cancer.   Samantalang ang iba ay may astig na astig na sign tulad ng Leon (Leo) at Alakdan (Scorpio), ang mga kawawang ipinanganak ng June 21 to July 22 eh mga Talangka (Cancer).  Pwede ring Alimango kung gusto nilang medyo mas mamahalin ang dating.  Parang pong-pong-pong-pakitongkitong lang.

Isa pa, isipin mo namang ipangalan ang sign mo sa isang malubhang sakit?   Galing sa iisang rootword, ang sakit na Cancer kasi ay inihalintulad sa mga maliliit na talangka na sumisira sa ating katawan.  (IFM, Mix, haba ng segwey ano? hehe…)  At eto pa, alam nyo bang matagal nang bad news sa buhay ng tao ang Cancer?   Mismong si Rizal eh kilala kung gaano katindi ng sakit na ito noong ilarawan niya ang kalunos-lunos na estado ng Pilipinas bilang isang Kanser ng Lipunan.  Himpakt, sabi dito sa link na ito,  panahon pa ni Mahoma eh may cancer na!  Gayunpaman, magpahanggang ngayon eh marami pa rin sa ating mga kababayan ang hindi aware sa sakit na Cancer at kung ano ang mga sintomas nito.

Eh, ano nga ba ang Signs ng Cancer?

1.  Sudden Weight Loss –  Bagama’t karamihan yata sa taong kilala ko (including me, kasi kilala ko naman ang sarili ko)  eh ipinagdarasal na mangyari sa kanila ito without help of gym, diet o Xenical, aba eh dapat mo pa ring pagdudahan ito.  For all you know, may cancer ka na sa sikmura, lapay, lalaugan o baga kaya.  At ano kamo ang lapay?  I-Google mo, tsong!

2. Lagnat –  hhhmmm… medyo tricky ito pero sabi sa kodigo kong website  (American Cancer Society) eh ito ang pinakamadalas na sintomas ng Cancer.  Kaya kung lagi kang sinisinat, magpatingin ka na.  Ipagdasal mo na rin na sana hindi ito sintomas ng Leukemia o kaya Lymphoma.  Malay mo, may dengue ka lang pala.  At least, diba?

3. Pagkapagod – Ito yung pagkapagod na di lang dulot ng sobrang kasipagan o kaya dahilan ng pagko-commute sa Cubao.  Ito yung pagkahapo na hindi nawawala kahit na nagpahinga na.  Kaya, kung madalas kapag kinakalabit ninyo si Misis o si Mister sa gabi eh “Anoba, pagod ako!” ang kanyang pre-recorded reply eh mabahala ka na.  Baka meron na syang Cancer sa sikmura o sa bituka!  Homaygudnes, wag naman sana!

4. Pananakit ng Katawan – Isa itong karaniwang sign kapag malala na ang isang Cancer.  Madalas ang pagsakit ng isang bahagi ng katawan ay indikasyon kung nasaan ang Cancer:  Masakit lagi ang ulo ng may brain cancer.  Ang may Colon o Ovarian Cancer naman ay laging masakit ang likod.  Madalas namang sumakit sa mga may Testicular Cancer ang kanilang…  you get the idea na naman siguro ano?  Moving on…

5. Pagbabago ng Hitsura ng Balat –  Iba-ibang klase ito.  Maaaring mabago ang kulay ng balat mo tulad ng pangingitim, paninilaw o pamumula.  Hmmmm… kulang na lang eh pangangasul, CYMK na ito!  Ano ng CYMK?  I-Wiki mo, parekoy!  Isang sign din yung abnormal pagbabago ng hitsura at laki ng nunal o kaya’y biglang pagtubo ng buhok sa isang bahagi ng katawan na di naman karaniwang mabuhok, tulad ng gilagid.

6. Bukol –  Kapag may bumukol, kapain mo.  Or better yet, kumunsulta sa duktor.  Maaaring sign ito ng Lymphoma, Breast o Testicular Cancer.  Pero naman, wag kang kakapa ng bukol ng iba lalo na’t di naman for medical purposes.  Bad yun.

7. Pagbabago sa Bathroom Habits –  Napansin mo bang madalas kang may LBM, o kaya’y may constipation o kaya’y hirap kang umihi?  Aba, baka sign yan ng colon at prostate cancer!  Tapos silip-silipin mo rin ang ebs mo once in a while, hindi dahil anal-retentive ka kundi para i-check kung nagbago ba ng laki o kulay ang iyong jerbax.  Sintomas din kasi yun na dapat malaman.

Marami pang ibang sintomas o signs ng Cancer na dapat nating tingnan as early warning signal.  Basta be aware of your body and how it changes.  Be aware of your family’s health condition.  Syempre, be aware of others who have Cancer too.  Ang Cancer ay hindi isang personal na sakit kundi isang problemang pangkomunidad.  Makisangkot ka kung paano mas mauunawaan ng iyong purok o baranggay ang sakit na Cancer.  Halimbawa, kung ikaw ay nasa may Western Visayas region, pwede mong dalawin ang weeklong Exhibit ng Forum Against Cancer though Encouragement and Support (FACS Foundation Inc) sa Robinson’s Mall o sa mga kilalang ospital sa Bacolod at sa buong Negros Occidental.   Dalawin mo ang site ni IFM para mas malaman mo na di kita ginugudtaym lang.

Tandaan, ang January 19 ang simula ng Cancer Awareness Week.  Makisangkot at kumalap ng kaalaman tungkol sa Cancer.  Maaaring ito ang makasagip ng buhay mo o ng mga mahal mo sa buhay.

* * * * *

At syempre, may panahon pa ako para mag-post ng aking Stain Glass Windows of the Day na inaabangan ni Bons, Geish at ni Dench.  Ang mga featured bintana ko for today ay ito:

Sila ang mga Piéta windows na nakita ko sa loob ng Vatican Museum habang hinahanap pa namin ang daan papuntang Sistine Chapel.  Kahit na lagi akong sinisigawan ng mga guwardya ng “No Photos, No Photos” eh sige pa rin ako ng kuha ng pictures.  Tigas ulo!ü  Ang unang stainglass ay obra ni George Meistermann para sa Chiesa de Sta. Maria a Colomia noong 1945.  Ito ay likha sa monochormatic yellow-green stainglass na nagbigay ng isang matinding Ethos sa mga tumitingin dito.  Kung ano ang Ethos, i-Ask.com mo, bok!   Ang ikalawa naman ay commisioned work ni A. Wendling na medyo mas conventional ang dating, tabas at istilo pero di pa rin ito magpapatalo sa kadramahan.  Ang Piéta ay isa sa mga sikat na tema sa mga sining dahil sa kakaibang challenge nito sa artist sa level ng body proportions and contortions, facial expressions at sa lalim ng emotion na dapa ma-evoke nito.  Alam kong hanggang dito eh naghihintay ka ng patawa.  Well, pasensya ka.

God bless!