In da name of da brother

Tag post ito, bok.  An egoistic tag post.  Kung sawa ka nang magbloghop sa mga tag post eh dumerecho ka na agad sa comment section at puri-purihin mo na lang ang aking kagwapuhan.  Kung di naman maatim ng patilya mo na gawin yun eh sige na’t basahin mo na rin ang aking ego-tripping na tag post.

Ako ay na-tag ni Miel at ang kaisa-isang requirement ng tag nya ay: Post the different nicks you have and the people who call you by that name…

Hmmm… madali lang pala eh.  Walang sinabi na forward this tag to 25 of your friends and your telephone will ring as soon as you finished answering this tag. Chicken feet feed.  Heto na.  Go.

VERGEL.  Ito ang pinakacommon na tawag sa akin.  It’s a spanish word meaning orchard or taniman ng mga punong kahoy.  Sa bahay namin, puro V ang start ng name namin, at Tatay ko ang pangunahing salarin dito.   Victorino kasi ang ngalan nya.  So ang mga kapatid ko eh sina Virginia, Victorina (almost junior) at Victoria (almost junior din).  Buti na lang at to the rescue si Inay kung hindi eh Victorino Jr. dapat ako.  SMY, ambantot.  Kung yun ang pangalan ko eh 12 years old pa lang siguro ako eh homicidal na ako.  Buti na lang.

Yun nga lang, ang hirap i-pronounce ng Vergel.  Heto ang exhibit A: list of pronunciation:

Vergel (Ber HEL) – correct pronunciation (katunog ng Ace Vergel)
Vergel (VHUR- Jehl) – my manileño friends
Vergel (VIRR- heyl) – my batangueño friends
Vergel (Ver- HIL) – my ilonggo friends
Vergel (Vuhr – JIL) – my davaoeño friends
Vergel (Ber – EL) – my kapampangan friends, silent heych
Vergel (Virh- Jil) – my french friends
Vergel (Vel- gerh) – my vietnamese and burmese friends
Vergel (Bih- ey) – my nephews noong toddlers pa sila
Vergel (Birrrh-  HEEYYLLL…roawr!) – si inay o si tatay kapag pinapauwi na ako galing sa laro

VIRGEL.  Yan ang nakasulat sa birth certificate ko na sadyang nagpahirap sa akin sa pagpila sa NSO para ma-correct lang.  Sa NSO, pumila ako ng tatlong oras (walang exaggeration ito) para makakuha lang ng ticket.  Ang rason?   Para mabilis daw akong maasikaso.  I got ticket number 436.  Sa monitor, ang nakasulat:  Now serving number 79.  SMY, napaka-efficient!   At gaano kamo ako katagal sa pila?  Let’s measure it this way.  After some time, may kasama ako sa pila na naikwento na sa akin ang lahat ng lihim ng kanilang angkan, pati kung saan nakatago ang mga titulo ng lupa nila sa Isabela.  After a few more hours, may mga kasama ako sa pila na kinukuha na akong ninong ng baby nila.   After lunchtime ay mga kasama ako sa pila na binigyan ako ng cellphone number, home and work address at friendster account ng mga anak nilang dalaga, with matching graduation pictures pa. 

VERGE.  Ito ang favorite kong palayaw sa seminaryo na di ko naman magamit sa France.   Click here to know why.

BABE, TWIT-HART, TEACAKE at kung anu-ano pang ka-cutesy-han.   Mga tawag sa akin ng mga ex-girlfriends ko.  Nuff said.

BROTHER, BRO, BRAD  Generic name ito ng kahit na sinong seminarista.  Minsan nga, Father na rin ang tawag sa amin.  And no, Bro does not stand for Broha, and yes, Brad may mean Brad Pitt, especially when referring to me.  Wag ka nang humiret.  Read along ka lang.

VMD    Yan ang tawag sa akin sa dati kong trabaho.  Puro kami initials lang sa Brewery:  ECJ, AS3, etc.  Ang siste, ka-kumpanya ko ang kapatid ko, so VMD rin sya (noong dalaga pa.).  Minsan, nilapitan sya ng boss nya at sinabihan sya:  Oy, VMD,  nag-taste test ka pala sa Valenzuela?  Kelan ka nadako dun?  Puro mali ang sagot mo ah.”  Buti na lang at mabait at superganda ng kapatid ko, so hindi nya ibinuko na ako yung VMD na bokya sa taste test.

KUYA BODJIE  Ito ay highschool monicker ko kasi para daw akong si Kuya Bodjie magsalita.  Nyak.  Talaga lang ha…

UTOY  Ito eh term of endearment sa akin ng da mowst infortant fersons in mah layf, my pamily.   Syempre, bunso eh.ü  Ang ibig sabihin ng Utoy eh “My Cute Lil Innocent-looking Boy.”  Yep, yun talaga ang ibig sabihin nyan.  Kaya naman kahit 32 27 years, 200 lbs and a goatee after, Utoy pa rin ang tawag sa akin.  Syempre, cute lil innocent-looking boy pa rin ako sa mata ng pamily ko.ü  At wag ka nang kumontra kung di kita kaanak, wokey?

Lately, napag-alaman ko na may nag-plagiarize sa pangalan ko.  Ginawa nang isang sitcom ang pangalan ko!  Ito ang tandaan nyo, ABS-CBN: buti na lang at idol ko si Pidol, kung hindi ay nagdemanda ako ng “illegal use of my name.”  (As if naman.)

BROTHERUTOY or BRO. UTOY  Syempre, that’s my blogosphere name for my blogosphere friends in my blogosphere world.

KUYA UTOY Yan ang ipinangakong domain name sa akin ni Bluep.ü  Maghanda kayo, by June (June nga ba, Bluep?) at magiging datkomista na rin ako! nyahaha…

* * * * *

Pasensya na, di talaga ako makabloghop.   Busy period talaga ang kwaresma sa parokya eh.  Isa pa, kinakain ng husto ng theological discussion group ko yung oras at pagod na dapat ay inilalaan ko sa blogging.  Makakadalaw rin po ako one of these days, pramis.ü

* * * * *

At syempre, ang ating stain glass windows of the day ay ito:

Medyo hirap akong kunan ng buo, so heto ang details:

Nakuhaan ko ng picture ito sa noong magrecollection ako sa may Chateauneuf-de-Galaure, Drôme, France.   Pagkalaki-laki ng stainglass window na ito, para na syang stainglass… wall.    Ito ay bahagi lang ng isang ultra-modern na chapel ng Foyers of Charity, na itinatag ng isang French visionary at stigmatist na si Marthe Robin.   Di nabigyang hustisya ng camera ko ang stainglass pero kung nandun ka, maiiyak ka sa ganda ng bintana na ito na nagde-depict ng resurrection ni Christ.  I know I did.ü

God bless and may everyone have a blessed anticipation of Easter joy!